Tatak

Ang pinaka nahirapan akong gawin ay ang aking sariling tatak. Siguro dahil importanteng aspeto ito bilang manlilikha. Mauubos ang ilang araw o lingo kakaisip lang ng magiging itsura ng iyong tatak. Kaya rin ito naging mahirap ay dahil kailangan ipakita rito kung sino ka ba talaga bilang manlilikha. Marami akong naging ideya kung ano ba gusto ko maging pinaka itsura ng tatak ko. Pinili ko ipakita ang aking kahiligan sa super heroes. Kaya ko rin ito gustong ipakita, dahil sa kahiligan ko maging ilustrador ng komiks. Sa disenyo ng aking tatak, nilagyan ko siya ng simbolo ng pluma na sumisimbolo sa aking kahiligan sa mga ilustrasyon. Imbes na maskara ang kanyang suot, ginawa ko siyang salamin para irepresenta ako. Ginawa ko rin siyang simple para ipakita na kahit simple lang mga gawa ko, maganda at maayos pa rin ang dating.